Ինչպես հաղորդում է National Enquirer հրատարակչությունը՝ Ջենիֆեր Էնիսթոնը և Ջասթին Թերուն որոշել են օգտվել փոխնակ մոր ծառայություններից: Աղբյուրների փոխանցմամբ՝ դերասանուհուն ոգեշնչել է նրա մոտ ընկերուհու՝ Նիկոլ Քիդմանի օրինակը:
«Ջենիֆերը փոխնակ մոր ծառայությունների մասին շատ երկար է մտածել: Սակայն միայն Նիկոլի հետ խոսելուց հետո է որոշել դա անել: Նրանք Ջասթինի հետ միասին որոշում են կայացրել, որ փոխնակ մայրությունն ավելի հարմար է իրենց: Այժմ զույգը հարմար թեկնածու է փնտրում»:
Աղբյուրն ավելացրել է, որ նրանք շատ են ցանկանում ծնողներ դառնալ:
«Դասթինն ու Ջենիֆերը գիտակցում են, որ երեխայի ծնունդն իրենց կյանքի ամենամեծ ձեռքբերումն է: Նրանք ընկերներից շատ խորհուրդներ են ստանցել, իսկ Նիկոլը բոլորից շատ է օգնել: Նա Ջենիֆերին շատ է սիրում և Թերուին ու Ջենիֆերին հիանալի զույգ է համարում: Քիդմանը հավատում է, որ երեխան կամրապնդի նրանց միությունը: Նա սեփական փորձով գիտի՝ ինչպես օգտվել փոխնակ մոր ծառայություններից:
Ջենիֆերը միշտ ասել է, որ չի շտապում երեխաներ ունենալ: Փոխնակ մայրը նրան հնարավորություն կտա առանց սթրեսների պատրաստվել երեխայի ծնունդին: Նրան չի անհանգստացնում, թե ինչ է զգում հղի կինը, քանի որ նոր կյանքի ծնունդը հրաշքի է նման՝ անկախ դրա մեթոդներից»,- գրում է spletnik.ru-ն:
