Կթիչի գովազդի հեղինակները կերակրող մայրերին համեմատել են կովերի հետ և այդպիսով արժանացել կանանց զայրույթին։ Տեսանյութը հրապարակվել է Facebook–ում՝ Elvie ընկերության էջում։
Տեսանյութի սկզբում երևում է, թե ինչպես են մի քանի աղջիկներ պարում կենդանիների ֆոնի վրա։ Էկրանի վրա գրություն է հայտնվում, որտեղ ասվում է, որ կրծքով կերակրող կանանց 100%-ն իրենց կով է զգում։ Այնուհետև գովազդի հերոսուհիները սկսում են երգել։
«Այո, ես ինքս կերակրում եմ, սակայն դուք իմ վրա պոչ չեք տեսնում։ Իսկ սրանք իմ, ոչ թե կովի կրծքերն են։ Ես սրանով երեխաներիս եմ կերակրում»,– ասվում է երգում։ Տեսանյութի վերջում դերասանուհիները ցույց են տալիս, որ իրենց կրծկալներում ոչ մեծ չափսի անլար կթիչներ են։
Գովազդը սոցցանցի օգտատերերի զայրույթն է հարուցել։ Շատերին դուր չի եկել, որ կանանց կովերի հետ են համեմատել։ Կանայք նշել են, որ այլ կաթնասուններ նույնպես, օրինակ առյուծներն ու գորիլաները, կրծքով են կերակրում իրենց ձագերին։
