Հունաստանի հնագիտական խորհուրդը միաձայն հավանության է արժանացրել 2500 տարի առաջ կառուցված Աթենքի հայտնի Ակրոպոլիսի պատի հատվածը վերականգնելու նախագծին, գրում է ITAR-TASS-ը:
Այդ ամրոցի մի մասը քանդվել է 2012թ. հորդառատ անձրևների հետևանքով: Պատի քանդված հատվածը կառուցվել էր Օսմանյան կայսրության ժամանակ:
Պատի քանդմանը նպաստել էր ստորգետյա սալիկների շարժումը , ինչպես նաև սեյսմիկ վտանգավոր տեղանքում գտնվելը:
Աթենքի Ակրոպոլիսի համալիրի վերականգնման աշխատանքները մեկ հարյուրամյակ չէ, որ կատարվում են, սակայն դրանք առավել ինտենսիվ են վերջին կես դարում:
1992-2004 թթ., ըստ մասնագետների տվյալների, հին Հունաստանի խորհրդանիշի վերականգնման համար ծախսվել է 30 մլն 610 հազար եվրո:
Հնագետները հավաստիացնում են, որ Ակրոպոլիսի վերականգնումը տեղի կունենա շնորհիվ եվրոպական հիմնադրամների, չնայած ֆինանսական ճգնաժամին:
