Դորտմունդի «Բորուսիա»-ն հետաքրքրված է «Գալաթասարայ»-ի ու Թուրքիայի հավաքականի հարձակվող Բուրակ Յիլմազի ծառայություններով, հաղորդում է Milliyet-ը:
Գերմանական ակումբում կարծում են, որ 28-ամյա ֆուտբոլիստը կարող է արժանի փոխարինող դառնալ լեհ հարձակվող Ռոբերտ Լևանդովսկիին, ով պայմանագիր է ստորագրել Մյունխենի «Բավարիա»-ի հետ և ընթացիկ մրցաշրջանի ավարտից հետո կհամալրի վերջինիս կազմը: Թուրք հարձակվողի տրանսֆերային արժեքը գնահատվում է 18 մլն եվրո: Ընթացիկ մրցաշրջանում նա անցկացրած 21 խաղում դարձել է 10 գոլի հեղինակ:
Յիլմազի ծառայություններով հետաքրքրված են նաև Լոնդոնի 2 ակումբներ` «Արսենալ»-ն ու «Տոտենհեմ»-ը:









































