Ջենիֆեր Հարներն ու Բեն Աֆլեքը հայտարարեցին իրենց բաժանման մասին 2015 թվականին, իսկ 2017-ի գարնանը՝ ամուսնալուծության համար դատարան դիմեցին։
Սակայն վերջակետ դնել հարաբերություններում նրանք չեն շտապում. այս ամբողջ ընթացքում ամուսինները այդպես էլ չեն կարողացել ընդհանուր հայտարարի գալ իրենց երեք երեխաների խնամակալության հարցի շուրջ։
Եվ այդ փաստը սպառնալիքի տակ է դնում վերջնական ամուսնալուծությունը։
Ջենիֆեր Հարներն ու Բեն Աֆլեքը արդեն վաղուց ամեն մեկն իր կյանքով են ապրում։ Ջենիֆերը վայելում է ազատությունը, Բենը նոր հարաբերություններ է սկսում հեռուստապրոդյուսեր Լինդսի Շուկուսի հետ, և դատելով ամենից, շատ վճռական է տրամադրված. նա հաճախ է ժամանակ անցկացնում Լինդսիի և նրա ծնողների հետ։ Միակ բանը, որ խանգարում է այս միությանը՝ Բենի պաշտոնական կարգավիճակն է. իրավաբանորեն նա դեռևս ամուսնացած է Ջենիֆեր Հարների հետ։
The Blast պարբերականի տրամադրության տակ են հայտնվել Լոս–Անջելեսի գերագույն դատարանի փաստաթղթերը, որոնցում դատավորը զգուշացնում է ամուսիններին գործի հետագա ձգձգման հետևանքների մասին։
«Եթե դուք համապատասխան քայլեր չանեք ձեր գործում, դատարանը կարող է մերժել ձեր գործը՝ դատավարությունը ձգձգելու պատճառով»,– ասվում է նամակում։
Խոսքը երեխաների խնամակալությանը վերաբերող փաստաթղթերի մասին է, որոնք պետք է օգնեն լուծել վերջնական ամուսնալուծության հարցը։ Եթե դրանք ժամանակին չներկայացվեն, Բեն Աֆլեքի և Ջենիֆեր Հարների ամուսնությունը կարող է այնքան մշտական և իսկական դառնալ, ինչպես Բենի մեջքի վրա փյունիքի դաջվածքն է։
