Ռուսաստանի նախագահ Վլադիմիր Պուտինն իր ամերիկացի գործընկեր Դոնալդ Թրամփին առաջարկել է պայմանավորվել սպառազինության վերահսկողության մասին, այդ թվում՝ միջուկային զենքի սահմանափակման և տիեզերքում զենքի արգելման մասին։ Համապատասխան փաստաթուղթը նա փոխանցել է Հելսինկիում բանակցությունների ժամանակ։ Այս մասին հաղորդում է Politico պարբերականը։
Նշվում է, որ փաստաթղթի մի մասը պարբերականին ռուս պաշտոնյա է փոխանցել։
Փաստաթղթում առաջարկվում է 5 տարով երկարաձգել Ռազմավարական հարձակողական սպառազինությունների մասին պայմանագիրը, որը սահմանափակում է երկրների միջուկային պաշարների ծավալը։
Նշվում է նաև Երկրի ուղեծրում սպառազինություն տեղակայելուց հրաժարվելու, ինչպես նաև Եվրոպայում զորավարժությունների ժամանակ համագործակցության մասին։ Իսկ ԱՄՆ պետքարտուղարին և պաշտպանության նախարարին հրավիրում են համագործակցել իրենց ռուս գործընկերների հետ։
Սպիտակ տանը փաստաթղթի մասին տեղեկությունը չեն մեկնաբանել՝ ասելով, որ նախագահն այդպիսի բան չի ստացել։
