«Շատ ողջունելի է, որ արդարությունը վերկանգնելու ճանապարհին ենք մենք: Մի բան է, որ մարդիկ բանտում են անցկացրել, կյանք է, կլինի նաև այդպես, 5-6 ամիս ես էլ եմ եղել Ազգային Անվտանգության մեկուսարանում, բայց խնդիրն այլ է, զոհվել են մարդիկ. արդարությունը պետք է վերականգնվի, և նրանք, ովքեր կազմակերպել, ուղղորդել են այդ պրոցեսը, պարտադիր պետք է համապատասխան պատիժը ստանան»,- «Առաջին լրատվական»- ի հետ զրույցում այս մասին ասաց ԱԺ «Ծառուկյան» խմբակցության պատգամավոր Արարատ Զուրաբյանը՝ հավելելով, որ Ռոբերտ Քոչարյանը Մարտի 1-ի ամբողջ ընթացքի կազմակերպիչն է, նրա կողմից են համապատասխան հրամաններ տրվել:
Անդրադառնալով Երևանի քաղաքապետի ընտրություններին իր հավանական մասնակցության վերաբերյալ դիտարկմանը, Արարատ Զուրաբյանը նշեց. «Մասնկացության հարցի հետ կապված որոշումը, գիտեք, որ անհատապես չի կայացվում, քաղաքական թիմերն են մասնակցում: Հիմա ընթանում են քննարկումներ, հարցումներ են իրականացվում: Համապատասխան արդյունքների պարագայում չեմ բացառում, որ հնարավոր է իմ թեկնածության առաջադրումը: Քանի որ ես այսօր Ծառուկյան դաշինքի մաս եմ կազմում, այստեղ համատեղ որոշում պետք է կայացվի, և եթե իմ թեկնածության վերաբերյալ որոշում լինի, ինչու չէ, կարելի է մասնակցել, և թող հասարակությունը որոշի, թե ում է տալու իր վստահության քվեն»:
Մանրամասն՝ տեսանյութում:
