Հեղափոխությունները, որպես կանոն, բերում են ֆինանսատնտեսական շուկաների ցնցումների, ինչի՞ շնորհիվ Հայաստանը խուսափեց դրանից. այս հարցին ի պատասխան՝ «Առաջին լրատվական»- ի հետ զրույցում Ֆինանսների նախարար Ատոմ Ջանջուղազյանը նշեց. «Որևէ ցնցում կարող էր որոշակի նահանջ արձանագրել և ազդել ֆինանսական և հարկաբյուջետային կայունության վրա, բայց մեզ հաջողվել է խուսափել դրանից, դժվար է ասել, թե որ գործոնների շնորհիվ, բայց դրանցից մեկը կայացած ինստիտուտների առկայությունն է»:
«Կապիտալը գնում է այնտեղ, որտեղ կարող է ավելանալ: Հայաստանը որքանո՞վ է գնահատվել որպես նոր կապիտալ գեներացնելու տեսակետից, պետք է հաշվի առնել դա. մենք կանխատեսում ենք, որ ոչ միայն կապիտալի արտահոսք չենք ունենա, այլ նաև կլինի չափավոր ներհոսք: Ակնկալում ենք, որ կուենանք ներդրումների աճ:
Վերջին շրջանում իրականացրած բացահայտումների ազդեցությունը բյուջեի վրա առայժմ 21 միլիարդ է կազմում գումարային արտահայտությամբ. կավարտվի քննությունը, անհրաժեշտ եզրակացություններ կլինեն և այդ գումարն ամբողջությամբ կհաշվեգրվի բյուջեի եկմտային հաշիվներում»,- նշեց Ջանջուղազյանը:
Դիտարկմանը, որ կապիտալը հեռացող իշխանության ձեռքում է, որը կարող է սաբոտաժի քայլերի դիմել, նախարարը նշեց, որ իր կարծիքով՝ գիտակցության այնպիսի մակարդակի առկայություն կա, որ նույնիսկ ամենալարված ժամանակ չի եղել սաբոտաժի դրսևորում:
Մանրամասն՝ տեսանյութում:
