Սիրիայի իշխանությունները գրոհայինների կողմից Մալուլա քաղաքի Սուրբ Թեկլա մենաստանից միանձնուհիների առևանգումը դիտարկում են որպես ծայրահեղականության դրսևորում և հանցագործություն ոչ միայն Սիրիայի խաղաղ բնակչության, այլ նաև մարդկության դեմ: Այս մասին հայտարարել է Ռուսաստանում Սիրիայի դեսպան Ռիադ Հադադը:
Հիշեցնենք, որ գրոհայինները դեկտեմբերի 2-ին հարձակվել են Մալուլայի Սուրբ Թեկլա մենաստան վրա, որտեղ գործում է նաև մանկատուն՝ մի քանի տասնյակ որբ աղջիկների համար: Առկա տեղեկատվության համաձայն՝ գրոհայինները պատանդ են վերցրել նրանց միանձնուհիների մի մասին և տարել անհայտ ուղղությամբ:
«Մալուլա քաղաքում միանձնուհիների առևանգումը վահաբիստական ահաբեկչության դրսևորումներից մեկն է, որին աջակցում են բոլորին հայտնի արաբական երկրները և տարածաշրջանի երկրները, այն ահաբեկիչների նոր հանցագործությունն է ընդդեմ խաղաղ բնակիչների և մարդկության»,- նշել է դիվանագետը:
