Իրանի դեմ նոր պատժամիջոցները կարող են խափանել միջուկային խնդրի կարգավորման բանակցությունները և խանգարել երկարատև պայմանավորվածության ձեռք բերմանը: Ինչպես հաղորդում է RIA Novosti-ն, այս մասին հայտարարել է Սպիտակ տան մշտական ներկայացուցիչ Ջեն Քարնին:
«Նոր պատժամիջոցները կարող են խափանել շարունակվող խորհրդակցությունների ընթացքը: Եթե մենք ցանկանում ենք խաղաղ կերպով կարգավորել միջուկային խնդիրը, պետք է ապահովել Իրանի կողմից պարտականությունների կատարումը: Եվ դա հնարավոր է անել միայն բանակցությունների միջոցով»,- ասել է նա:
Քարնիի խոսքերով՝ բանակցությունների հակառակորդները պետք է հասկանան, որ այլընտրանքը հարցի ռազմական լուծումն է, որը չի տա այն արդյունքը, ինչը կարելի է ձեռք բերել դիվանագիտական կարգավորման արդյունքում:
Սպիտակ տան ներկայացուցիչը խուսափել է ուղիղ պատասխանել այն հարցին, թե արդյոք ԱՄՆ նախագահ Բարաք Օբաման կօգտագործի՞ վետոյի իրավունքը նոր պատժամիջոցների ընդունման դեպքում:
«Բայց մենք հստակ հասկացնել ենք տվել, որ դեմ ենք նման միջոցներին»,- հայտարարել է Քարնին: