Իսրայելի զինված ուժերը կրակ են բացել Սիրիայի Ալ-Քունեյթրա սահմանամերձ քաղաքի վրա (տեղակայված է Դամասկոսից 20 կմ հարավ՝ Գոլանի բարձունքներում): Հարվածի տակ է հայտնվել սիրիական բանակի զինծառայող:
Ինչպես հաղորդում է ITAR-TASS-ը՝ վկայակոչելով Իսրայելի պաշտպանության նախարարության ներկայացուցչին, Իսրայելը պատասխանել է Սիրիայի տարածքից արձակված կրակոցին:
«Կրակն արձակվել է Սիրիայի տարածքից Իսրայելի պաշտպանության բանակի զինծառայողների ուղղությամբ: Մենք պատասխան կրակ ենք բացել»,- ասվում է ռազմական գերատեսչության հաղորդագրության մեջ:
Իսրայելի բանակում հաստատել են, որ հրաձգության հետևանքով երկրի պաշտպանության բանակի ստորաբաժանումները կորուստներ չեն կրել: Վիրավորվել է Սիրիայի բանակի զինծառայող:
