Պենելոպա Կրուսը YouTube-ին մեղադրել է գրաքննության մեջ՝ այն բանից հետո, երբ Agent Provocateur ապրանքանիշի համար ներքնազգեստի բաց գովազդը ուղեկցվել է վտանգավոր կոնտենտի մասին նախազգուշացմամբ: Նշենք, որ ապրանքանիշի սեփական շարքը նրան օգնել է ստեղծել քույրը՝ Մոնիկան, ով հղի վիճակում նկարահանվել է սադրիչ տեսանյութում:
6-րոպեանոց տեսանյութում Իրինա Շեյքը մի քանի մոդելների հետ շրջում է ներքնազգեստով: Տեսանյութում նաև երկու աղջիկներ համբուրվում են: Այժմ վիդեոհոսթինգի կայքում առկա է վտանգավոր կոնտենտի մասին նախազգուշացում:
Կրուսին տհաճ կերպով զարմացրել էր YouTubeի նման արձագանքը: Red ամսագրին տված հարցազրույցում նա ասել է. «Այդ կայքում այնքան շատ դաժան ֆիլմեր կան, իսկ նրանք նույնիսկ տարիքը չեն ստուգում և չեն հարցնում էլեկտրոնային հասցեն՝ մինչ դիտումը: Ինձ համար միևնույն է: Ավելի լավ է ինձ այլասերված անվանեն, քան դեռահասներին արյունահեղ դաժանություն ցուցադրեն»:
Այդ տեսանյութը ներկայացվել է դեռ օգոստոսին և եղել է Պենելոպա Կրուսի առաջին ռեժիսորական աշխատանքը: Դիտումների ընդհանուր թիվը կազմում է 13 մլն:
