Էպոտաժային երգչուհի Լեդի Գագան ընդունել է, որ վերջապես կարողացել է գտնել իրեն՝ հիշատակելով որոշ կարևոր իրադարձություններ, որոք տեղի են ունեցել իր կյանքում:
Վերջին շրջանում երգչուհու ելույթների գրաֆիկը շատ լարված էր՝ կապված նրա նոր՝ ARTPOP ալբոմի թողարկման հետ, և, ինչպես երևում է, Գագան որոշել է ժամանակավոր դադար տալ:
«Իմ կյանքում շատ փոփոխություններ են եղել: Գրաֆիկը խելահեղ էր, բայց ես վերջապես զգում եմ, որ պատկանում եմ միայն ինքս ինձ: Ոչ ոք ինձ չի զսպում, և ես կարող եմ ինքս ինձ հետ մնալ: Հիասքանչ զգացողություն է»,- գրել է նա Instagram-ում:
Որպես այս գրության նկարազարդում՝ նա ներկայացել է իր նոր՝ կենդանի տիկնիկի կերպարով: Նա մեծ աչքեր ունի և մազերին՝ հսկայական վարդագույն ժապավեն:
