Ֆրանսիայի ԱԳն ղեկավար Ժամ-Իվ Լե Դրիանը հայտարարել է, որ Սիրիան չի կարող քիմիական զենք արտադրել՝ ԱՄՆ-ի, մեծ Բրիտանիայի և Ֆրանսիայի հարվածներից հետո: Այս մասին նա ասել է ֆրանսիական Franceinfo ռադիոկայանին տված հարցազրույցի ժամանակ:
Ինչպես նշվում է՝լրագրողի համապատասխան հարցին ի պատասխան նախարարն ասել է. «Ամեն ինչ մեզ ստիպում է մտածել, որ՝ ոչ»:
Նրա խոսքերով՝ հարվածների ընթացքում ոչնչացվել են Սիրիայի տարածքում պահեստավորման տեղը, արտադրության ու գիտահետազոտական կենտրոնները:
«Բոլոր երեք թիրախները ոչնչացված են, օպերացիան հաջող է անցել»,- ընդգծել է Լե Դրիանը:
Նախարարը նշել է, որ իրականացված գրոհը ոչ թե պատերազմի հայտարարություն է եղել, այլ գործողություն, որի նպատակը տարածաշրջանում քիմիական զենքի տարածման կանխարգելումն է եղել:
