«Առաջին լրատվական»-ի զրուցակիցն է «Քաղաքացիական պայմանագիր» կուսակցության վարչության անդամ, ԱԺ «Ելք» խմբակցության ղեկավար Նիկոլ Փաշինյանը:
-Պարոն Փաշինյան, Ազատության հրապարակում վաղվանից մեկնարկելու են շուրջօրյա հանրահավաքները: Գործողությունների ի՞նչ պլան ունեք, ի՞նչ հանգամանքներից են կախված ձեր գործողությունները:
-Ընդհանուր առմամաբ, մենք մեր գործողությունների պլանը ներկայացրել ենք՝ խաղաղ քաղաքացիական անհնազանդության դրսևորումներ: Գործողությունների մասշտաբն ու ձևը կախված կլինի Ազատության հրապարակում ներկա քաղաքացիների թվից:
-Այսինքն՝ չկա պլան, կախված է մարդկանց քանակի՞ց:
-Պլան կա բոլոր տարբերակների համար: Ուզում եմ հստակ լինի՝ մենք գործողությունների դիմելու ենք՝ անկախ նրանից, թե քանի քաղաքացի է ներկա Ազատության հրապարակում: Եթե 5 հոգով լինենք՝ ձեռնարկելու ենք այնպիսի գործողություններ, որոնք հնարավոր է իրականացնել 5 հոգով: Եթե 50.000 հոգով լինենք՝ կձեռնարկենք այնպիսի գործողություններ, որոնք հնարավոր է իրականացնել 50.000 հոգով:
Ամբողջությամբ՝ տեսանյութում։