Կոլումբիայի հեղափոխական զինված ուժերի նախկին ապստամբը, որն այժմ քաղաքական կուսակցությունների մեկի ղեկավարն է և գրեթե խորհրդարանի ներկայացուցիչների պալատի անդամ, երկուշաբթի ԱՄՆ 10 տոննա կոկային մատակարարման մեղադրանքով ձերբակալվել է Կոլումբիայում։
Խոսքը Խեսուս Սանտրիչի մասին է, որին ձերբակալել են Բոգոտայում՝ սեփական տանը։ Այս մասին երկրի նախագահի հետ համատեղ մամլո ասուլիսի ժամանակ հայտնել է Կոլումբիայի գլխավոր դատախազ Նեստոր Ումբերտո Մարտինեսը։
Նրա խոսքով՝ Սանտրիչին մեղադրանքներ առաջադրվել են երկրի իշխանությունների հետ խաղաղության համաձայնագրի ստորագրումից հետո նրա գործողությունների համար՝ 2017-ի հունիսից 2018-ի ապրիլ ընկած ժամանակահատվածում։ Դատախազության կարծիքով՝ այդ ընթացքւոմ Սանտրիչին հաջողվել է 15 մլն դոլարով ԱՄՆ 10 տոննա կոկային մատակարարել։
Կոլումբիայի նախագահ Խուան Մանուել Սանտոսը հայտարարել է, որ չի բացառում Սանտրիչի արտահանձնումն ԱՄՆ։
