Մյունխենի «Բավարիա»-ի կառավարման խորհրդի նախագահ Կարլ Հայնց Ռումենիգեն հերքել է շրջանառվող լուրերն այն մասին, որ ակումբը մտադիր է ձեռք բերել «Բարսելոնա»-ի հարձակվող Լիոնել Մեսսիի տրանսֆերը:
Ռումենիգեն վստահ է, որ կատալոնական ակումբը չի հրաժարվի Արգենտինայի հավաքականի ֆուտբոլիստի ծառայություններից:
«Մեսսի՞: Այժմ խոսք է գնում անմիտ գումարների մասին: Արգենտինացի ֆուտբոլիստի հրաժարագինը շատ մեծ գումար է կազմում: Այնպես որ, մենք չենք զբաղվի այդ հարցով: Բացի այդ, ես գիտեմ, որ «Բարսելոնա»-ն երբեք չի համաձայնի հրաժարվել Լեոյի ծառայություններից: Կատալոնական ակումբում Մեսսին սրբի կարգավիճակ ունի»,- ասել է Ռումենիգեն:
