Ռուսաստանի Պրեմիեր լիգայի առաջնության 17-րդ տուրի շրջանակներում «Կրասնոդար»-ը, որի կազմում հանդես է գալիս Հայաստանի հավաքականի կիսապաշտպան Մարկոս Պիզելին, սեփական հարկի տակ հանդիպեց Գրոզնիի «Թերեք»-ի հետ:
Դաշտի տերերը շատ ծանր հաղթանակ տոնեցին` առավելության հասնելով 3:2 հաշվով: Նրանք հանդիպման ընթացքում 2 անգամ առաջ անցնելով հաշվի մեջ` 2 դեպքերում էլ պատասխան գնդակ էին ընդունել իրենց գոլերին հաջորդող րոպեներին: Այդուհանդերձ, Վանդերսոնը, 74-րդ րոպեին գրավելով մրցակցի դարպասը, հաղթանակ պարգևեց իր թիմին:
Ինչ վերաբերում է Պիզելիին, ապա նա հայտավորված էր «Կրասնոդար»-ի մեկնարկային կազմում ու փոխարինվեց 72-րդ րոպեին:
«Կրասնոդար» – «Թերեք»` 3:2
1:0 Վանդերսոն (37′), 1:1 Իվանով (38′), 2:1 Մամաև (66′), 2:2 Իվանով (67′), 3:2 Վանդերսոն (74′)
