ԱՄՆ-ի Մերիլենդ նահանգում մեկշարժիչ ինքնաթիռի կործանման հետևանքով երեք մարդ է զոհվել, հայտնել են տեղական իրավապահ մարմինները։
Մերիլենդի նահանգային ոստիկանության տվյալներով՝ Piper Cherokee տեսակի մեկշարժիչ ինքնաթիռը, որում եղել են օդաչուն և երկու ուղևոր, թռչում էր Նյու Ջերսի նահանգի Օուշեն Սիթի քաղաքից դեպի Մոնտգոմերի շրջանի օդանավակայան։
Անհայտ պատճառներով ինքնաթիռը կործանվել է Բոուի քաղաքի անտառապատ տարածքում։ Արտակարգ ծառայությունների աշխատակիցները տեղում արձանագրել են ինքնաթիռում գտնվող երեք անձանց մահը։
Ոստիկանությունը նշել է, որ զոհվածների ինքնությունը դեռ չի հրապարակվում՝ մինչև նրանց հարազատների տեղեկացումը։ Նախնական տվյալներով՝ ինքնաթիռը պատկանել է տեղական ավիացիոն դպրոցին և, հնարավոր է, կործանվել է ուսումնական թռիչքի ընթացքում։
