Նոր հետազոտությունը ցույց է տվել, որ շոկոլադի օգտագործումն աճում է աշխարհով մեկ. անցյալ տարի այս մթերքի արտադրությունն աճել է 23 տոկոսով։
Համաձայն Mintel ընկերության նոր ապրանքների տվյալների շտեմարանի (Mintel Global New Products Database – GNPD)՝ ամենից շատ շոկոլադ օգտագործում է Մեծ Բրիտանիայում։
Փորձագետները հաշվել են, որ յուրաանչյուր բրիտանացի միջինում 8,4 կգ շոկոլադ է կերել 2017 թվականի ընթացքում։
Երկրորդ տեղում գտնվում է Շվեյցարիան, իսկ առաջատարների եռյակը եզրափակում է Գերմանիան։ «Շոկոլադակերների» հնգյակում են հայտնվել նաև Ռուսաստանը և Ավստրիան։
Ի դեպ, ըստ Mintel-ի տվյալների, առողջ սնունդի և բուսակերության աճն իր հետևանքներն է ունեցել և Եվրոպայում բերել է բուսակերների համար արտադրվող շոկոլադի օգտագործման և արտադրման ծավալների աճի։
