Hilton Worldwide հյուրանոցների միջազգային ցանցը, որը սեպտեմբերին հայտարարել է 1.25 միլիարդ դոլարի բաժնետոմսերի նախնական տեղակայման մասին, մեծացրել է գումարը, որը նախատեսում է ստանալ IPO-ի ընթացքում: Այժմ Blackstone ներդրումային ընկերությունը՝ հյուրանոցային ցանցի սեփականատերը, հույս ունի ստանալ 2.25 միլիարդ դոլար: Այս մասին հաղորդում է The Finansial Times-ը՝ վկայակոչելով ներդրումային ընկերությանը մոտ կանգնած աղբյուրը:
Hilton Worldwide-ը հիմնվել է 1919թ., այժմ ընկերությունը ավելի քան 4000 հյուրանոցներ ունի աշխարհի 90 երկրներում:
Hilton Worldwide-ի IPO-ն կարող է դառնալ հյուրանոցային արդյունաբերության պատմության մեջ ամենախոշորը, եթե ընկերությունը վաճառի 1.25 միլիարդ դոլարի արժեթուղթ, ինչպես նախատեսել էր նախկինում: Մինչև հիմա այս ոլորտում ամենախոշոր տեղակայումը համարվում էր Hyatt ցանցի IPO-ն. 2009թ. օպերատորը ներգրավեց մեկ միլիարդ դոլար:
