ԱՄՆ փոստային ծառայությունը երեքշաբթի ներկայացրել է նամականիշների շարք՝ նվիրված բրիտանացի գրող Ջոան Ռոուլինգի վեպերի հերոս Հարի Փոթերին՝ հայտնում է RIA Novosti-ն:
Ինչպես հստակեցրել է ԱՄՆ գլխավոր փոստմայստեր Պատրիկ Դոնահյուն՝ նրա գերատեսչությունում գրքերի հայտնի հերոսների ու ֆիլմերի պատկերներով նամականիշները դիտարկում են որպես շահութաբեր ապրանք:
«Փոթերիանան», ըստ Դոնահյուի, ի վիճակի է գրավել ամերիկացիների նոր սերնդի՝ հավաքելու նամականիշներ:
Նոր նամականիշները թողարկվել են հուշանվերային բուկլետների տեսքով՝ յուրաքանչյուրում 20 հատ: Դրանք արժն 9.20 դոլար, 1 նամականիշը՝ 46 ցենտ:
Թողարկվել է 5 մլն նամականիշ:
