ԱՄՆ-ում փոթորկի ժամանակ ջիփը չի թողել, որ ծառն ընկնի բնակելի տան վրա: Այդ մասին հաղորդում է CBS News պորտալը:
Մասսաչուսեթս նահանգի Ուերխեմ քաղաքի բնակիչ Գլեն Շարփը պատմել է, որ մարտի 2-ին այցելել է մորը և իր Jeep Grand Cherokee մեքենան կայանել է սոճու տակ: Փոթորիկի ժամանակ ծառն ընկել է, և մեքենան իր վրա է կրել հարվածի ողջ ուժը:
«Այնպիսի ուժեղ ձայն լսվեց, որ թվում էր՝ տունը փուլ եկավ»,-պատմել է մայրը: «Եթե ես մեքենան այլ վայրում կայանած լինեի, իսկ ես այդպես էլ կանեի, եթե շտապելիս չլինեի, մայրս և քույրս կարող էին վնասվածքներ ստանալ կամ մահանալ»,- նշել է Շարփը:
Հրշեջները դեռևս չեն տեղահանել ծառը, և դեռ չեն էլ որոշել՝ ինչպես գործել, որպեսզի տունը չվնասվի:
Շարփը հույս ունի, որ կկարողանա վերանորոգել մեքենան, բայց վատագույն դեպքում պատրաստ է անգամ փոխել այն: «Ես շատ ուրախ եմ, որ մեքենաս հենց այդտեղ եմ կայանել, ինչպես նաև երախտապարտ եմ մեքենային»,- հավելել է նա:
