Ֆլորիդացի հրաձիգը հայտնել է, որ սպանդ իրականացնել իրեն հրամայել են «ձայները»

Նիկոլաս Կրուզը, ով 17 մարդու է կրակել Ֆլորիդա նահանգի միջնակարգ դպրոցներից մեկում, քննիչներին հայտնել է, որ սպանդ իրականացնելու ցուցումներն իրեն տվել են «գլխի ձայները»։ Այս մասին հայտնում է ABC News-ը՝ հղում անելով իրավապահ մարմինների աղբյուրներին։

Հիշեցնենք, որ փետրվարի 14-ին ամերիկյան Փարքլենդ քաղաքում (Ֆլորիդա) 19-ամյա Կրուզը ներխուժել էր դպրոցի շենք և հրաձգություն իրականացրել։ Միջադեպի հետևանքով զոհվել է 17 մարդ, ևս 20-ը վիրավորվել են։ Ավելի ուշ հայտնի էր դարձել, որ ամերիկացին խոստացել էր կրկնել 1966 թվականի Տեխասի զանգվածային սպանությունը, որը 17 մարդու կյանք էր խլել։

Իրավապահները Կրուզի դեմ առաջադրել են կանխամտածված սպանության մեղադրանք։