2005 թվականին միլիարդատեր Դոնալդ Թրամփը հարցազրույց էր տվել New York Times-ին, որի ժամանակ ասել էր, որ Graff Diamonds ոսկերչական ընկերությունն իրեն 1 մլն դոլար զեղչ է արել Մելանյայի նշանադրության մատանու համար։ Forbes-ի տեղեկություններով՝ ներկայիս նախագահն այդ ժամանակ ստել է։
Ոսկերիչ և միլիարդատեր Լորենս Գրաֆը հայտարարել է, որ իրեն հաճելի է եղել Թրամփի հետ գործ ունենալը, սակայն ինքը նրա համար որևէ բացառություն չի արել։ Ավելի քան 10 կարատ կշռող մատանին քաղաքական գործիչը ձեռք է բերել 1.5 մլն դոլարով։
Նշվում է, որ Graff-ի երկրորդ մատանու համար, որը գտնվել է հարսանիքի 10-ամյակի կապակցությաբ, ԱՄՆ գործող նախագահը կրկին վճարել է ամբողջական արժեքը։ 25 կարատ քաշով զարդի համար վճարվել է 3 մլն դոլար։
