Նյու Յորքի Swann Auction Galleries աճուրդի տունը վաճառքի է հանում ամերիկացի հայտնի գրող Ջերոմ Սելինջերի (1919-2010թթ.) երբևէ չհրապարակված կենսագրությունը, հայտնում է ITAR-TASS-ը:
«Ջ. Դ. Սելինջեր. Կյանք թղթի վրա» աշխատանքի հեղինակը բրիտանացի գրաքննադատ Իեն Համիլթոնն է:
1987թ. Սելինջերը դատարանի միջոցով արգելեց հրապարակել գիրքը. պատճառն այն էր, որ դրանում մեջբերվում էին նրա ավելի վաղ գրած, բայց դեռևս չհրապարակված նամակները: Գիրքը հանվեց տպագրությունից և վերաշարվեց: Գրքի նոր վերահրատարակված տարբերակը (1988) կոչվում էր «Սելինջերին որոնելիս»: Երեք տարի անց` 2001թ. Համիլթոնը մահացավ:
Նոյեմբերի 21-ին կայանալիք աճուրդում վաճառքի կհանվի նաև այն 100 օրինակներից մեկը, որոնք տպագրվել էին գրաքննության համար:
Վերջին տասնամյակում Սելինջերն ապրել է կամավոր մեկուսացման մեջ Կորնիշի իր տանը ու գրեթե ոչ ոքի հետ չի շփվել: Նա արգելել էր ավելի վաղ գրած իր ստեղծագործությունների վերահրատարակումը ու մի քանի անգամ կանխել էր իր նամակների տպագրությունը:
Գրողը մահացել է 2010թ. հունվարի 27-ին կյանքի 92-րդ տարում:
