Մեծ Բրիտանիայի խորհրդարանի անդամների և առաջատար պարբերանների աշխատակիցների թվում կան գաղտնի մասոնական օթյակների անդամներ։ Այս մասին հայտնում է The Guardian-ը՝ հղում անելով իր տրամադրության տակ հայտնված փաստաթղթերին։
New Welcome օթյակը ստեղծված է պատգամավորների, պալատական տիտղոս կրողների և խորհրդարանի աշխատակիցների համար։ Այսօր դրանում ներառված է մոտ 40 մարդ։ Պարբերականը նշում է, որ խորհրդարանականներից ոչ մեկը պաշտոնական փաստաթղթերում չի խոստովանել պատկանելիությունը մասոններին։ Օրենքը նման բան չի պարտավորեցնում, սակայն պատգավորները կարող են կամավոր նշել իրենց անդամակցությունն օթյակին։
Gallery Lodge օթյակը կազմված է բրիտանական առաջատար ԶԼՄ-ների քաղաքական տեսաբաններից։ Alfred Robbins օթյակի անդամները պարբերաբար հավաքներ են կազմակերպում Լոնդոնում։ Նշվում է, որ նախկինում մասոնական օթյակներից մեկին են անդամակցել Times-ի, Daily Express-ի, Scotsman-ի, Hansard-ի աշխատակիցները։
Անգլիայի Միացյալ մեծ օթյակի ղեկավար Դևիդ Սթեյփլզը հստակ հաստատում կամ հերքում չի տվել այդ տեղեկություններին, սակայն նշել է, որ օթյակների գործունեության մեջ մասնակցությունը չի հակասում լրագրողական պրակտիկային։
