«Միլան»-ի գլխավոր մարզիչ Մասիմիլիանո Ալեգրին այսօր` նոյեմբերի 11-ին կարող է հեռացվել զբաղեցրած պաշտոնից:
Football Italia-ն հայտնում է, որ այսօր կկայանա իտալական ակումբի ղեկավարների հանդիպումը, որի ընթացքում կորոշվի մասնագետի ապագա ճակատագիրը:
«Ռոսսոներիներ»-ի գլխավոր մարզչի հավանական հավակնորդ է Ֆիլիպո Ինձագին: Հիշեցնենք` Իտալիայի առաջնության 12 տուրերից հետո «Միլան»-ը զբաղեցնում է մրցաշարային աղյուսակի 11-րդ հորիզոնականը` իր ակտիվում գրանցելով ընդամենը 13 միավոր:









































