Այսօր Ahaber հեռուստաալիքի եթերում Թուրքիայի փոխվարչապետ Բեքիր Բոզդաղը հայտարարել է. «ԱՄՆ ղեկավարությունը չի ցանկանում երես առ երես բախվել Թուրքիայի հետ, մենք նույնպես չենք ցանկանում դա։ Որպեսզի նման բան տեղի չունենա, կա հստակ ուղի՝ ահաբեկիչներին ցուցաբերվող աջակցության դադարեցումը»։
Հայտնի է դարձել, որ Անկարան հրաժարվել է քննարկել Վաշինգտոնի նոր առաջարկը՝ Թուրքիա-Սիրիա սահմանին անվտանգության 30 կմ գծի ստեղծման վերաբերյալ։
![YPG fighters are preparing to defend Manbij after Turkey attacked Afrin [Khalil Ashawi/Reuters]](http://www.aljazeera.com/mritems/imagecache/mbdxxlarge/mritems/Images/2018/1/24/9fb7784b7c364edc99963def6ca442cb_18.jpg)
Անկարան պատասխանել է մերժմամբ. «Մեզ մոտ տեղի է ունեցել վստահության կորուստ։ Քանի դեռ այն չի վերականգնվել, քանի դեռ չեն արվել հստակ քայլեր դրա վերստեղծման համար, սխալ եմ համարում այդ թեմաները քննարկելը։ Մենք չգիտենք, թե ինչպիսին են նրանց մտադրությունները, սակայն սկզբում պետք է վերացնել անվստահության մթնոլորտը»,- Թուրքիայի դիրքորոշումն է պարզաբանել արտգործնախարար Մևլյութ Չավուշօղլուն։
