Հունվարի կեսին Ստոկհոլմում կսկսեն գործել 12-տեղանոց առանց վարորդի ավտոբուսներ: Դրանք GPS-ի և տվիչների միջոցով մարդկանց կտեղափոխեն մի շրջանից մյուսը Ստոկհոլմի հյուսիսային մասում նախապես նշված 1,5 կմ երկարությամբ երթուղով 20 կմ/ժ արագությամբ: Այս մասին հայտնում է The Local-ը:
«Սա պատմական որոշում է, որը կնպաստի նոր, ինովացիոն տեխնոլոգիաների զարգացմանը՝ կարևոր հասարակության զարգացման համար: Անհրաժեշտ է լայն ուսումնասիրություն և փորձարկումներ կատարել՝ ապահովելու համար կայուն և անվտանգ ավտոմատ ճանապարհային երթևեկություն»,- հայտարարել է Շվեդիայի տրանսպորտի գործակալության գլխավոր տնօրենը:
Ավտոբուսները ղեկ չունեն, բայց դրանք հնարավոր է ձեռքով ղեկավարել: Ավտոբուսում մշտապես վարորդ կլինի՝ արտակարգ իրավիճակի դեպքում վերահսկելու համար տրանսպորտային միջոցը: Ապագայում վարորդներից կարող են հրաժարվել, եթե խնդիրներ չառաջանան:
