Կինոռեժիսոր Ջորջ Լուկասը Forbes ամսագրի կողմից ճանաչվել է 2017 թվականի ամենահարուստ հայտնի անձ։ «Աստղային պատերազմների» հեղինակի կարողությունը գնահատվում է 5.5 մլրդ դոլար։
Վարկանիշի երկրորդ հորիզոնականում կինոռեժիսոր Ստիվեն Սպիլբերգն է (3.6 մլրդ դոլար)։ Երրորդ հորիզոնականում հեռուստահաղորդավարուհի Օփրա Ուինֆրին է (2.8 մլրդ դոլար)։
Հնգյակում են ներառվել նաև բասկետբոլիստ Մայքլ Ջորդանը (1.4 մլրդ դոլար) և աճպարար Դևիդ Կոպերֆիլդը (875 մլն դոլար)։
Վարկանիշը կազմվում է ամեն տարի։ Առաջին հնգյակը մնացել է նույնը, ինչ 2016 թվականին էր։ Անցնող տարում Լուկասի կարողությունն ավելացել է 900 մլն դոլարով, իսկ Սպիլբերգը կորցրել է 100 մլն դոլար։
