«Իհարկե, ես որպես քաղաքացի, որպես իրավաբան՝ դեմ եմ ցանկացած բռնությանը, այդ թվում նաև ընտանիքում իրականացվող բռնությանը, բայց չի կարելի, ինչպես ընդունված է ասել, ունքը բուժելու տեղը աչքն էլ հանել»,- «Առաջին լրատվական»-ի հետ զրույցում Ընտանեկան բռնության մասին օրինագծի վերաբերյալ իր կարծիքը հայտնեց ԱԺ «Ծառուկյան» խմբակցության պատգամավոր Գևորգ Պետրոսյանը:
Նրա խոսքով՝ եթե, Աստված ոչ արասցե, այս նախագիծը կյանքի կոչվի, շատ հանցագործություններ կլինեն, մասնավորապես՝ ոստիկանության գործողություններին ընդդիմանալու հետ կապված:
Ինչպես նկատեց պատգամավորը, սահմանափակում չկա, թե որ ապտակն է դիտվում հայրական, որը՝ բռնություն. «Չկա բռնության այնպիսի դրսևորում, որը նախատեսված չէ Քրեական օրենսգրքում, և հիմա սրա անունը դնել ընտանեկան բռնություն… մենք դեմ ենք: Մարդիկ էսօր հացի խնդրի առաջ են կանգնած: Հիմա ամեն ինչ լուծել էր կառավարությունը, մնացել էր ապաստարանների՞ կառուցումը»:
Մանրամասները՝ տեսանյութում:
