Ֆրանսիայի մաքսային ծառայության աշխատակիցը երեկ ազատվել է աշխատանքից, քանի որ նկարվել էր ԱՄն նախագահի անձնագիրը ձեռքին՝ որպես հիշատակ: Այս մասին հաղորդում է BBC-ն:
Անձնագրի հետ կապված միջադեպը տեղի էր ունեցել մայիսի 26-ին Դովիլի օդանավակայանում, ուր Բարաք Օբաման ժամանել էր՝ մասնակցելու «Մեծ ութնյակի» գագաթնաժողովին: Մաքսային ծառայության աշխատակիցն իր այդ քայլը բացատրել էր նրանով, որ ինքը ցանկացել է Բարաք Օբամայի անձնագրի նկարը ցուցադրել իր ընկերներին և հարազատներին:
Ամերիկյան պատվիրակության անդամները նկատել են մաքսայինի աշխատակցի արարքը և հայտնել իրենց դժգոհության մասին: Հեռացված աշխատակցի անունը չի նշվում:
