Ամերիկացի ուսումնասիրողները տեղեկացնում են, որ Instagram-ում սննդամթերքների լուսանկարների դիտումն օգնում է նիհարել:
Ամերիկյան Բրիհամ Յանգի համալսարանի մասնագետները մի ուսումնասիրություն են անցկացրել, որին 232 մարդ է մասնակցել: Նրանց երկու խմբերի են բաժանել: Մասնակիցների կեսին առաջարկել են նայել քաղցրավենիքների, իսկ մյուս խմբին աղի սննդամթերքների լուսանկարները: Ուսումնասիրվողներին առաջարկել են նաև գնահատել այդ ուտեստների գրավչության աստիճանը:
Այնուհետև բոլոր մասնակիցներին առաջարկել են աղի ընկույզ ուտել և պատմել՝ արդյոք դրանից հաճույք ստացե՞լ են, թե՞ ոչ: Փորձը ցույց է տվել, որ այն մարդիկ, ովքեր մինչև այդ դիտել են աղի սննդամթերքների լուսանկարներ, ընկույզից ավելի քիչ են հաճույք ստացել:
«Դուք ուղղակի հոգնում եք համից մինչև սնունդ ընդունելը: Այդ պատճառով էլ ցանկությունը բթանում է: Եթե դուք ցանկանում եք դադարել չիփսեր և շոկոլադներ ուտել, փորձեք ավելի շատ դրանց լուսանկարներին նայել: Մի սահմանափակվեք մեկ-երկու լուսանկարներով, արդյունքի հասնելու համար հարկավոր է վնասակար սննդամթերքների բազմաթիվ լուսանկարներ դիտել»,- բացատրել է ուսումնասիրության ղեկավար Ռայան Էլդերը, փոխանցում է korrespondent.net
