Քրդստանի անկախության հանրաքվեն նշանակված է սեպտեմբերի 25-ին։ Որքան մոտենում է քվեարկությունը, այնքան ավելի շատ քննարկումներ են ծավալվում Բաղդադի և Էրբիլի միջև։ Մի կողմից ակտիվորեն մասնակցում են նրանք, ովքեր աջակցում են քրդերին, մյուս կողմից դեմ հանդիման է դուրս գալիս հարևան պետությունների մերժումը՝ ճանաչելու այդ քայլը, որը լուրջ սպառնալիք է ներկայացնում տարածաշրջանային կայունության համար։
2017 թվականի հունիսի 7-ին իրաքյան երեք քրդական կուսակցությունների կողմից հանդիպում է անցկացվել։ Քրդստանի դեմոկրատական կուսակցությունը, Քրդստանի Հայրենասիրական միությունը և Հանուն փոփոխությունների շարժումը համաձայնել էին գործողության մեջ դնել քրդական պետության անկախության նախագիծը՝ չնայած այդ նախագծի հարցում հենց այդ կուսակցությունների միջև առկա հակասություններին։
Մասուդ Բարզանիի նախագահությամբ (լքել է Իրաքյան Քրդստանի նախագահի պաշտոնը՝ կապված լիազորությունների ժամկետի լրանալու հետ) հանդիպման ժամանակ, հաստատվել է հանրաքվե անցկացնելու մտադրությունը ոչ միայն քրդական Դոհուկ, Էրբիլ և Սուլեյմանիա նահանգներում, այլև վիճելի շրջաններում։
Խոսքն Իրաքյան Քրդստանի հետ կապված տարածքների մասին է, որոնց վերահսկողությունը կատարվում է քրդական իշխանությունների և իրաքյան կառավարության կողմից՝ համաձայն իրաքյան սահմանադրության 140-րդ կետի։ Դրանք են Քիրկուկ նահանգը և Նայնավա, Դիյալա, Սալահ էդ-Դին նահանգների մի մասը։
Քիրկուկ նահանգը կրկին մուտք է գործել տեղեկատվական ճգնաժամ այն բանից հետո, երբ նահանգապետը հրաժարվել է պաշտոնական շենքերից Քրդստանի դրոշի հեռացման մասին դատական իշխանության վճռի իրագործումից։
Անցած հինգշաբթի վարչական դատարանը վճռել էր չեղարկել նահանգային խորհրդի որոշումը՝ քրդական դրոշի բարձրացման մասին՝ հայտարարելով, որ դա «օրենքների ակնհայտ խախտում է»։
Վճռի իրագործումից հրաժարվելն առաջացրել է ուժգին ցասում և կոնֆլիկտ նահանգի էթնիկ-կրոնական խմբերի միջև (թուրքմեն, արաբ և քուրդ), ինչպես նաև Խորհրդի և Բաղդադի կենտրոնական կառավարության միջև։
Իրաքյան դրոշի կողքին Քրդստանի դրոշի բարձրացումը նավթով հարուստ նահանգի պաշտոնական կաբինետներում ցույց է տալիս դրա Խորհրդի մտադրությունը՝ համաձայնելու քրդական տարածաշրջանին միանալուն։
Քաղաքական տեսաբանները հաստատել են Sky Press-ին, որ եթե Քիրկուկըը շարունակի նույն ոճով, ապա դա ոչ մի լավ բան չի գուշակում, հատապես այն բանից հետո, երբ սուննի ուժերի դաշինքը հայտարարել է Քիրկուկում և վիճելի շրջաններում ինքնորոշման հանրաքվեի անցկացումից իրենց հրաժարվելու մասին։
Տեսաբանները նաև հավելել են, որ «հնարավոր է պատերազմ Բաղդադի և Էրբիլի միջև՝ վիճելի շրջանների ճակատագրի հետ կապված, եթե կենտրոնի կառավարության և տարածաշրջանի միջև ըմբռնում ձեռք չբերվի այդ շրջանների հարցով»։
Facebook սոցցանցում կայացել է հարցում՝ պարզելու քրդական հանրաքվեին վիճելի շրջանների մասնակցության կողմնակիցների տոկոսը։ Պարզվել է, որ մոտ 30 տոկոսը քվերակել է «այո», 60 տոկոսը՝ «ոչ», իսկ 10 տոկոսը տվել է «չգիտեմ» պատասխանը։
