Ստեփանակերտում Արցախի Հանրապետության հռչակման 26-րդ տարեդարձին նվիրված տոնական միջոցառումներին մասնակցելու համար Արցախ էր ժամանել նաև ԱԺ ՀՀԿ խմբակցության պատգամավոր Միհրան Պողոսյանը (Քեթրինի Միհրան):
«Առաջին լրատվական»-ի այն հարցին, թե ինչպես է պատգամավորը պատկերացնում ԼՂ խնդրի կարգավորումը՝ վերջինս նշեց. «Խնդրի կարգավորումը Արցախի ժողովուրդը պետք է որոշի: Զարգացող Արցախը ասում է, որ խնդրի կարգավորումը միայն այսպես է հնարավոր՝ օրեցօր զարգանալով և ազատ արցախցին պետք է ապրի իր հղում»:
Անդրադառնալով ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշիկի երեկվա հայտարարությանը, Միհրան Պողոսյանը նկատեց. «Դա քաղաքականություն է, իրանց էլ ա հասկանալի, չեն կարող մի կողմը բռնեն և խիստ հայտարարություն անեն մի կողմի վրա»:
Հիշեցնենք, որ Կասպրշիկը նշել էր, որ անկարող են հաստատել, թե Չինարիում ԵԱՀԿ դիտարկման ընթացքում որ կողմից էին գալիս կրակոցի ձայները և ովքեր էին կրակողները:
