Աշխարհի 2018 թ. առաջնության ընտրական փուլի Ռումինիա – Հայաստան հանդիպումը ավարտվեց Ռումինիայի հաղթանակով ՝ 1։0 ։
Խաղից հետո Ռումինիայի ազգային հավաքականի գլխավոր մարզիչ Քրիստոֆ Դաումը հանդիպել է լրագրողներին, որում ասել է, որ շատ սխալներ թույլ տվեցին, բայց միևնույն է Ռումինիայի առավելությունն անկհայտ էր։
«Այսօր մենք շատ սխալներ թույլ տվեցինք, բայց այնուամենայնիվ գրոհելու շատ հնարավորություններ ստղծեցինք։ Հիասթափությունը գալիս է այն պահին, երբ չեն արդարացվում սպասելիքները։ Եթե մեր ակնկալիքները քիչ լինեին, կուրախանայինք 1։0 հաշվով հաղթելով։ Բայց մեր ակնկալիքներն ու սպասումները ավելին էին, որին հասնելու համար գրեթե ոչինչ չարեցինք։ Մենք կարող էին ավելին։ Մեզ համար շատ դժվար էր մասնավորապես առաջին խաղակեսում։ Չէինք կարողանում գրոհելու հնարավորություններ ստեղծել, մինչդեռ հայ ֆուտբոլիստները գոլ խփելու 2 հնարավորություն ունեին։ Ընդմիջումից հետո կարծես մեր տղաների երկրորդ շնչառությունը բացվեց, և խաղը վերձրեցինք մեր ձեռքը։ Գնդակին տիրեցինք 62%-ով։ Մենք առավելություն ունեինք, բայց ավելի կարևոր էր խփված գոլերի քանակը։ Կցանկանայինք առնվազն 2-3 գոլ խփել։ Սա առաջընթաց էր երիտասարդ խաղացողների համար։ Ձեռք բերված 3 միավորները շատ կարևոր են մեզ համար։
Երկրպագուները կարծում էին, որ եթե մենք Երևանում Հայաստանին հաղթեցինք 5։0 հաշվով, ապա մեր հարկի տակ ավելի հեշտ կլիներ։ Սակայն Հայաստանն այժմ նոր հզորացած թիմ ունի, և մենք շատ դժվարությամբ կարողացանք գոլ խփել։ Այս հանդիպման ընթացքում Ռումինիան լաբագույնն էր, և կարծում եմ, որ արժանի ենք թեկուզ նվազագույն գովեստի խոսքերի», – ասել է Ռումինիայի ազգային հավաքականի գլխավոր մարզիչ Քրիստոֆ Դաումը։
