ՌԴ Լիբերալ-դեմոկրատական կուսակցության խմբացությունից Պետդումայի պատգամավոր, կրթության և գիտության հարցերով Պետդումայի կոմիտեի փոխնախագահ, Լիբերալ-դեմոկրատական կուսակցության բարձրագույն խորհրդի անդամ Բորիս Չեռնիշովը հանդես է եկել ՌԴ մայրաքաղաքում չճանաչված հանրապետությունների իրավապաշտպան հասարակական կազմակերպությունների համագումար անցկացնելու նախաձեռնությամբ։ Այս մասին հայտնում է կուսակցության մամլո ծառայությունը։
Խորհրդարանականը որոշել է նման միջոցառում կազմակերպել Հայաստան կատարած աշխատանքային այցից հետո, որտեղ Չեռնիշովը մի շարք հանդիպումներ է անցկացրել տեղի հասարակական գործիչների հետ։ Բանակցությունների ընթացքում բարձրացվել է հարց՝ չճանաչված հանրապետությունների գոյության խնդրի վերաբերյալ։
««Ժողովրդական դիվանագիտության» գաղափարն ինձ մոտ ծնվել է Հայաստան այցի ժամանակ։ Մենք քննարկել ենք խնդիրները, որոնց բախվում են Արցախի բնակիչները։ Այդ մարդկանց, ինչպես և միջազգային հանրության կողմից այլ չճանաչված հանրապետությունների բնակիչների իրավունքները խախտված են, նրանք, օրինակ, չեն կարող կիրառել բոլոր սոցիալական երաշխիքները, որոնց իրավունքն ունեն։ Նրանք ստիպված են հանդուժել պաշտոնյաների նվաստացումները՝ փորձելով հասնել ընտրություններում մասնակցության, իրենց համար սահմանված վճարների կամ ռուսական անձնագրի ստացման թույտվության»,-ասել է խորհրդարանականը։
Չեռնիշովը համոզված է, որ այդ համագումարը թույլ կտա ի հայտ բերել մտահոգիչ խնդիրները և գտնել դրանց լուծման ուղիներ։
