РИА Новости-ի փոխանցմամբ, Թուրքիայի Բոդրում հանգստավայրում ռուս զբոսաշրջիկների մահվան պատճառ հանդիսացած անորակ ալկոհոլը Թուրքիայում հայտնվել է այսպես կոչված Հյուսիսային Կիպրոսի թուրքական հանրապետությունից (ՀԿԹՀ)։ Այս մասին հայտարարել է Թուրքիայի գյուղատնտեսության նախարարությունը։
Վերջինիս ներկայացուցիչները հետաքննության ընթացքում պարզել են, որ անորակ ալկոհոլը ՀԿԹՀ-ից Թուրքիա է ներկրել ոմն «Ժասմին» ընկերությունը։ Ապա այդ ալկոհոլն Անկարայի շուկայում իրացրել է «Բիրլիք» ընկերությունը։
Ունեցած տվյալների համաձայն՝ «Ժասմին» ընկերությունը ստացել է «հսկիչ փաստաթուղթ»՝ 180,000 շիշ ջին և այդպիսի անորակ ալկոհոլ, ինչպես նաև 2100 շիշ վիսկի ներկրելու համար։ Ապա այդ ապրանքի մի մասը (6000 շիշ օղի, 5800 շիշ ջին, 240 շիշ վիսկի) ուղարկվել է միջերկրածովյան հանգստավայրեր։
Հիշեցնենք, որ անորակ ալկոհոլի պատճառով թուրքական հիվանդանոցներում մահացել էին ռուս զբոսաշրջուհիներ՝ 1983 և 1991 թվականներին ծնված Մարիա Շալյապինան և Այգուլ Զալյաևան։ Իսկ Ռուսաստանի վերադառնալուց հետո մահացել էր 1989 թվականին ծնված Մարինա Շևելևան։