Շվեյցարիայի Շաֆհաուզեն քաղաքում անհայտ անձը բենզասղոցով հարձակվել է մարդկանց վրա, առնվազն 5 մարդ վիրավորվել է, նրանցից 2-ի վնասվածքները լուրջ են։ Այս մասին հայտնում է Blick թերթը:
Թերթի տվյալներով՝ հարձակումը կատարել է մի մարդ։ Քաղաքի կենտրոնը շրջապատված է, ոստիկանությունը չարագործի չեզոքացման գործողություն է իրականացնում:
Տեղի ոստիկանության պաշտոնական ներկայացուցիչը հավաստել է Blick-ի տեղեկատվությունը: Հաղորդվում է, որ հարձակվողը նույնականացվել է, սակայն առայժմ ձերբակալված չէ: Ոստիկանության կարծիքով՝ հարձակումն ահաբեկչական գործողություն չի եղել:
Ոստիկանության խոշոր ուժեր են մոբիլիզացվել մի քանի անձանց վիրավորած մարդու որոնման համար: Գործի են դրվել նաև շտապ օգնության մի քանի ավտոմեքենաներ և փրկարար ծառայության ուղղաթիռներ։
