Ոստիկանությունն Անկարայում ձերբակալել է բողոքի ակցիայի 61 մասնակցի։ Նրանք փողոց էին դուրս եկել՝ իրենց բողոքն արտահայտելու երկու ուսուցիչների կալանավորման դեմ, ովքեր ավելի վաղ հեռացվել էին աշխատանքից հեղաշրջման փորձից հետո զտումների շրջանակում և դրա հետ կապված հացադուլ հայտարարել։ Այս մասին հայտնում է CNN Turk հեռուստաալիքը։
Համաձայն դատարանի որոշման՝ ուսուցիչներ Նուրիե Գյուլմենն ու Սեմիհա Օզակչուն գործել են Թուրքիայում արգելված «Հեղափոխական ժողովրդա-ազատագրական կուսակցություն-ճակատ» ձախ արմատական ծայրահեղական խմբավորման հանձնարարականով։
Նշվում է, որ ոստիկանությունը չարտոնված ակցիայի մասնակիցներից պահանջել է ազատել մայրաքաղաքի կենտրոնի Կիզիլայ հրապարակը, իսկ երբ նրանք հրաժարվել են, նրանց դեմ կիրառել են ջրցան մեքենաներ և արցունքաբեր գազ։
