«Ելք» խմբակցության ղեկավար Նիկոլ Փաշինյանն անդրադառնալով հեռարձակման ոլորտի ռազմավարական նպատակներին՝ նկատեց. «Հեռուստատեսության և ռադիոհեռարձակումը որոշակի ազդեցության ձև է հանրության և լսարանի նկատմամբ»:
«Մենք չունե՞նք վերկուսակցական, վերխմբակային նպատակ, թե՞ մենք այդ բովանդակությամբ մեր հանրության վրա ազդելով՝ ի՞նչ արդյունք ենք ուզում ստանալ, ո՞րն է մեր նպատակը՝ որպես պետություն: Այդ հեռարձակումը ինչի՞ ա պետք, ի՞նչ խնդիր է լուծում»,- հարց բարձրացրեց պատգամավորը:
Ի պատասխան՝ Հեռուստատեսության և ռադիոյի ազգային հանձնաժողովի նախագահ Գագիկ Բունիաթյանը նշեց, որ դա իրենց տիրույթում չէ. «Դրա լուծումների համար կան տարբեր ֆորմատներ, որ կարող ենք կազմակերպել»:
«Ըստ էության ստացվում է, որ հայտարարելով, թե մեզ մոտ գրաքննություն չկա, իրականում ունենք ստվերային գրաքննություն»,- նշեց Փաշինյանը՝ տարակուսելով, որ ԱԺ-ում փաստորեն քննարկվել են ձեր գործառույթների հետ կապ չունեցող հարցեր:
Մանրամասները՝ տեսանյութում:
