Պակիստանում աղքատ ընտանիքում ծնված և մեծացած 4 քույրեր ինքնասպանություն են գործել հոր հետ վեճից հետո, ով ի վիճակի չի եղել ապահովել նրանց օժիտով: Այս մասին հաղորդում է Daily Star-ը:
Միջադեպը տեղի է ունեցել Փենջաբի նահանգի Մաիլսի քաղաքում: Հոր՝ աղքատ ֆերմեր Բաշիր Ահմեդ Ռաջուփթի հետ ունեցած զրույցից հետո, ով 31-45-ամյա իր 5 դուստրերին հասկացրել է, որ ինքը փող չունի նրանց ամուսնացնելու և օժիտով ապահովելու համար, քույրերը որոշել են ինքնասպանություն գործել՝ նետվելով մոտակայքում գտնվող ջրանցքը:
Տեղի ոստիկանության ներկայացուցիչ Մալիք Դաուդ Հասնայինն ասել է, որ կարողացել են փրկել միայն կրտսեր քրոջը՝ Ֆաթմային: Գտնվել են նաև 2 քույրերի մարմինները, ոստիկանությունը շարունակում է մյուս 2 մարմինների որոնումները:
