ԱՄՆ նախկին պետքարտուղար Ջոն Քերին Հարվարդի համալսարանին կից Ջոն Քենեդիի անվան կառավարման դպրոցի ուսանողների առաջ ելույթի ժամանակ խորհուրդ է տվել նրանց ռուսերեն սովորել: Այս մասին հաղորդում է Politico-ն:
«Ինձ հաճախ են հարցնում՝ որն է կառավարության վրա իրական ազդեցություն գործելու գաղտնիքը: Ամեն ինչ փոխվել է վերջերս: Այսօր նայելով Սպիտակ տանը՝ ես կասեի, որ պետք է դասագիրք գնել և ռուսերեն սովորել»,-հայտարարել է նախկին պետքարտուղարը:
Քերին նաև քննադատել է ԱՄՆ նախագահ Դոնալդ Թրամփին: «Պետության ղեկավարի համար, որն առաջին ուղղումն է սահմանել խոսքի ազատության մասին, աննորմալ երևույթ է ամեն օր ստորացնել լրագրողներին և նույնիսկ սպառնալ նրանց: Աննորմալ երևույթ է նաև այն, որ Հետախուզության դաշնային բյուրոյի ղեկավարին հեռացնում են այն բանի համար, որ վերջինս հետաքննել է Ռուսաստանի ազդեցությունը այն նույն մարդու նախընտրական քարոզարշավի վրա, որը հեռացրել է նրան»,-ասել է Քերին:
