Դուբայում վաճառքի է հանվել անիվների վրա գտնվող աշխարհի ամենաթանկ տունը, որտեղ կա հսկայական մահճակալ, հյուրասրահ՝ բուխարիով ու կենցաղային տեխնիկայով, սանհանգույց՝ վաննայով ու ցնցուղով, կոկտեյլ-բար՝ համապատասխան լուսավորությամբ, տաքացվող հատակ, հայտնում է mirfactov.com-ը:
Զարմանալի չէ, որ անիվների վրայի տունը ստացել է Palazzo անվանումը:
Տուն-մեքենան ունի բջջայինի միջոցով հեռակառավարման դիտման հնարավորություն, հանգստի գոտի, որը բարի է վերածվի կոճակի մեկ սեղմմամբ, VIP-ննջարան՝ վաննայով:
EleMMent Palazzo-ն ստեղծվել է ավստրիական Marchi Mobile ընկերության կողմից և, ըստ այն ստեղծողների, ստեղծվել է հատուկ շեյխերի համար: Հենց նրանք են սիրում միլիոններ վատնել շքեղ իրերի վրա:
Սակայն տուն-մեքենան, որն արժե ավելի քան 3 մլն դոլար, որքան գեղեցիկ է ներսից, նույնքան անհասկանալի տեսք ունի արտաքինից:
Անիվներով տունը կշռում է 20 տոննա: Նրա առավելագույն արագությունը 150 կմ/ժ է: Այն ունի ընդհանուր՝ 215 քմ մակերես, իսկ հատուկ շարժական սարքավորումների միջոցով մակերեսը կարող է հասնել մինչև 430 մետրի:
