Արգենտինահայ գործարար Էդուարդո Էռնեկյանը Հայաստանի կայուն զարգացման աջակցման մեջ իր ունեցած առանցքային դերի, երկրում աղքատության նվազեցման, տարածքային անհամաչափ զարգացման հաղթահարման, աշխատատեղերի ստեղծման և ծառայությունների որակի բարելավման նպատակով ներղրած իր ջանքերի համար սեպտեմբերի 13-ին ՄԱԿ-ի Զարգացման ծրագրի հայաստանյան գրասենյակի կողմից նշանակվեց Ազգային բարի կամքի ղեսպան:
«Ես շատ ուրախ եմ ՄԱԶԾ-ի աշխատանքներում ներգրավվելու և, իմ դիրքն օգտագործելով, ՄԱԶԾ-ի ուղերձները տարածելու հնարավորության համար»,- ասաց նա: Հայաստանում ՄԱԶԾ մշտական ներկայացուցչի ժամանակավոր պաշտոնակատար Քլեր Մեդինան նշեց, որ ՄԱԶԾ համար մեծ պատիվ է Էդուարդո Էռնեկյանին Ազգային բարի կամքի դեսպան նշանակել: «Մենք ունենք հաջողված գործընկերության փորձ պրն. էռնեկյանի և «Ֆրութֆուլ Արմենիա» հիմնաղրամի հետ: ՄԱԶԾ-ն ակնկալում է սերտ համագործակցություն պրն. Էռեեկյանի` որպես Ազգային բարի կամքի դեսպանի հետ»,- ասաց նա` հույս հայտնելով, որ գործարարը կօգտագործի իր րնդարձակ կապերը և կշարունակի մոբիլիզացնել Սփյուռքի ջանքերը Հայաստանում աղքատության դեմ պայքարելու, Հայաստանի քաղաքացիների բարեկեցության մակարդակը բարձրացնելու համար:
Լրագրողների հետ ճեպազրույցում Էռնեկյանը նշեց, որ Հայաստանի զարգացման հետ կապված նոր ծրագրեր կան, թեև հենց իրենք կոնկրետ պրոյեկտներ չունեն: Զվարթնոց օդանավակայանի կլոր շենքի քանդման լուրերին անդրադառնալով` նա ասաց. «Ինձ մնա` վաղն իսկ կքանդեմ», իսկ դա գործարարը բացատրեց նրանով, որ շենքն արժեք չունի, հին է, շատ վտանգավոր վիճակում: «Ո՞վ պիտի պահի: Հին բաները մի կողմ ձգենք»,- ասաց նա:
Լրագրողները հետաքրքրվեցին ԱԳ նախարարության շենքի ապագայով, Էռնեկյանը պատասխանեց` մի բան կանենք, դեռ մտածում ենք: Գործարարը, սակայն, ԱԳ նախարարության շենքում հյուրանոցի կառուցման մտադրություն չունի, նա այնտեղ կցանկանար թանգարան տեսնել, թեև ցուցադրության համար անձնական հավաքածու չունի: