Ամերիկացիների 40 տոկոսը աջակցում է նախագահի վարած արտաքին քաղաքականությանը, իսկ 57 տոկոսը այն անհաջող է համարում: Այս մասին հաղորդում է Ria Novosti-ն՝ վկայակոչելով CNN հեռուստաալիքի և ORC ընկերության անցկացրած հասարակական կարծիքի հարցումը:
Դա Օբամային աջակցելու ամենացածր ցուցանիշն է համանման հարցումների ամբողջ պատմության ընթացքում:
Հունվարին արտաքին քաղաքականության հարցում Օբամային աջակցել է հարցման մասնակիցների 54 տոկոսը, ապրիլին՝ 49, հունիսին՝ 40:
Սիրիայի հարցով միայն 31 տոկոսն է աջակցում նախագահի վարած քաղաքականությանը, 63 տոկոսը դժգոհ է դրանից: Հանրապետականներից նրան աջակցում է միայն 9 տոկոսը:
Օբամային աջակցելու ընդհանուր վարկանիշը 45 տոկոս է, իսկ 52 տոկոսը նշում է, որ դժգոհ են Սպիտակ տանը նրա աշխատանքից:
