Քեյթ Միդլթոնը Մեծ Բրիտանիայի արքայազներ Ուիլյամի և Հարիի հետ մասնակցել է Լոնդոնում The Global Academy դպրոցի բացմանը: Արարողության ժամանակ Քեմբրիջի դքսուհին պատմել է իր մայրական փորձի մասին: Արքայազն Ջորջի և արքյադուստր Շառլոտայի մայրիկը հանդիպման մասնակիցներին խոստովանել է, որ հոգեբանական բարդություններ է ունեցել երեխաների ծնունդից հետո, հաղորդում է US Weekly-ն:
«Երբեմն միայնակ ես զգում, մեկուսացված, բայց իրականում շատ մայրիկներ են նման զգացում ունենում»,-ասել է Միդլթոնը:
Քեյթ Միդլթոնն ամուսնու հետ աջակցում է Heads Together սոցիալական արշավին, որն ուղղված է մարդկանց հոգեկան աշխարհի բարելավմանը: Օրինակ՝ Միդլթոնը ուսանողների հետ հանդիպմանը սատարել է 16-ամյա պատանուն, որը խոստովանել է, որ չգիտի՝ ինչպես շփվել Քենսինգթոնի պալատի ներկայացուցիչների հետ: «Ես նույնպես ամաչում եմ, այնպես որ մի անհանգստացիր»,-ասել է Քեյթը:
