Հայաստանի հավաքականի ֆուտբոլիստ Ռոբերտ Արզումանյանը վստահ է, որ ազգային թիմը աշխարհի 2014 թվականի առաջնության եզրափակիչ փուլի ուղեգիր ձեռք բերելու հնարավորություն ունի:
«Պրահայում շատ բարդ խաղ ստացվեց: Տանտերերը ճնշում էին գործադրում, սակայն մենք կամային հաղթանակ տարանք: Վստահ եմ, որ մենք աշխարհի 2014 թվականի առաջնության եզրափակիչ փուլի ուղեգիր ձեռք բերելու հնարավորություն ունենք:
Հասկանալի է, որ Իտալիայի հավաքականը գերազանցում է: Սակայն Հայաստանի, Չեխիայի, Դանիայի և Բուլղարիայի ընտրանիները գրեթե հավասար շանսեր ունեն: Մենք անպայման պետք է առավելության հասնենք դանիացիների նկատմամբ»,- ասել է 28-ամյա պաշտպանը:
