Ամերիկյան դիվանագիտության ղեկավար Ռեքս Թիլերսոնը վստահեցրել է ՆԱՏՕ-ի դաշնակիցներին նրանում, որ Վաշինգտոնը հավատարիմ է դաշինքի սկզբունքներին։ Պետդեպի ղեկավարը ժամանել է դաշինքի արտգործնախարարների բրյուսելյան հանդիպմանը՝ չնայած մտավախություններին, որ այցը չի կայանա պաշտոնատար անձանց գրաֆիկներում տարբերությունների պատճառով։
Դաշինքում շատերն անհանգստացած էին ՆԱՏՕ-ի հարցով Պետդեպի դիրքորոշումից, սակայն Թիլերսոնի ելույթը ջերմ է ընդունվել։
Գերատեսչության ղեկավարը ճաշի ժամանակ ոչ պաշտոնական մթնոլորտում խոսել է նաև Ռուսաստանի մասին։ Գործընկերներից մեկի դիտարկմանն ի պատասխան, ով, խոսելով ՌԴ-ԱՄՆ հարաբերությունների մասին, հիշեցրել է, որ «տանգոյի համար պետք է երկու հոգի», Թիլերսոնն ասել է. «Իհարկե, դուք կարող եք պարել Ռուսաստանի հետ…սակայն ակնհայտ է, որ դուք չեք կարող պարել Սերգեյ Լավրովի հետ, որովհետև նրան թույլատրված չէ պարել»։
Politico-ի՝ դիվանագիտական շրջանակների զրուցակիցները պարզաբանել են, որ պետքարտուղարը նկատի է ունեցել, որ ՌԴ-ում բոլոր որոշումներն ընդունում է միայն մեկ մարդ։
